Actividades dos últimos días de antes de Nadal

Os días antes de finalizar o trimestre tivemos unhas xornadas moi intensas.

Por unha banda, o departamento de Bioloxía e Xeoloxía organizaou a súa primeira excursión o día 19 de decembro para o alumnado de 3ºESO, con quenes fixeron un roteiro por Oleiros. Estas excursións repetiranse ao longo de xaneiro co resto de alumnado de 3ºESO.

O martes día 20, parte do noso alumnado acudiu a unha xornada de intercentros co IES David Buján, dentro do Programa Deportivo do Centro, organizada polo departamento de Educación Física. Ao comezo da mañá o departamento de Lingua Castelá, en colaboración co departamento de Latín, organizou unha actividade de teatro moi divertida, Ahora mis mitos coa cal o alumnado de 3ºESO de cultura clásica e o alumnado de 1ºBACH de Literatura Universal puido disfrutar cunha peza de teatro á vez que aprendían sobre mitoloxía clásica.
Ao mesmo tempo, houbo unha actividade organizada polo departamento de Debuxo, dentro do programa de Fotografía en curso, e outra actividade no centro entorno aos Xogos Populares, organizada en colaboración polos departamentos de Educación Física e Lingua Galega.

O último día de clase, o día 21 de decembro, foi como de costume unha xornada festiva. Entramos algo máis tarde e organizaronse para o alumnado unha serie de actividades: proxectouse un corto por parte do Equipo de Normalización Lingüística, posteriormente o Equipo da Biblioteca proxectou unha película na Biblioteca do noso centro. Paralelamente o departamento de Educación Física organizou actividades deportivas mentres que o alumnado tamén interpretou unha serie de pezas nun concerto organizado polo departamento de Música. Os departamentos de Inglés e Orientación colaboraron organizando un Karaoke, así como o departamento de Debuxo, quen seguiu traballando co alumnado do proxecto de Fotografía en Curso. O departamento de Física e Química, en colaboración co de Administración, organizou unha actividade de Xadrez.
Finalmente acabamos todos bailando co DiscoAfonso, xusto antes de que os e as titoras nos entregasen as notas.

Mentres tanto, a ANPA Castelao organizou un reparto de doces de Nadal entre a nosa comunidade educativa. Desde aquí queremos agradecer a axuda e a colaboración que mantemos sempre cos pais e nais da ANPA do noso instituto para organizar estas xornadas festivas e animamos a todos os pais e nais que se sumen a colaborar coa ANPA do centro.

Feliz Nadal a toda a comunidade do Afonso X O Sabio!

Día contra a violencia machista

O pasado 25 de novembro celebrouse no noso instituto o día contra a violencia machista. Efeméride na que debemos de recordar que cada ano morren moitas mulleres a manos das súas parellas ou exparellas, un número todavía maior sufre algún tipo de violencia e moitas poñen denuncias en xulgados contra a violencia de xénero.

No noso caso fixemos unha exposición de caligramas contra a violencia machista e repartíronse lazos e pulseiras con lemas ao caso.

Pero repasemos algúns datos... por qué debemos celebrar esta efeméride?

Inda que todos os días debamos educar para loitar contra todos os tipos de violencia, a violencia contra a muller ten unhas características concretas que merecen ser sinalada a parte. Por unha parte, é o tipo de violencia máis habitual, no ano 2015 60 mulleres foron asasinadas polas súas parellas ou exparellas. Nesta cifra non se computan nin as mulleres que non tiñan relación sentimental co asasino (por exemplo, houbo casos no que o asasino matou á nai, á amiga, etc) nin aos fillos da muller.

Qué é a violencia machista? 

É aquela que se exerce mediante toda acción ou ben omisión, dentro do marco dunha relación desigual de poder, que de maneira directa ou indirecta, tanto no ámbito público como no privado, afecta a túa vida, libertade, dignididade, integridade física, psicolóxica, sexual, económica ou ben patrimonial, polo exclusivo feito de ser ou ben sentirte como unha muller.

A violencia machista adopta diversos tipos:

1. Física: cando se produce un dano, dor ou risco de ser producido, no teu corpo. Ou ben calquera outra forma de maltrato que afecte contra a túa integridade física.

2. Psicolóxica: se che causa dano emocional, se afecta a túa autoestima, perxudica ou perturba o teu desenvolvemento persoal, se busca a degradación, controlar as túas accións, as túas crenzas e decisións mediante amenazas, o acoso, a humillación, o hostigamento, a manipulación e o aillamento.

3. Sexual: se vulnera en todas as suas formas, con ou sen acceso xenital, o teu dereito a decidir voluntariamente sobre a túa vida sexual ou reprodutiva, mediante a ameaza, o uso da forza ou ben a intimidación.

4. Económica e patrimonial: se busca menoscabar os teus recursos económicos ou patrimoniais mediante diversas accións que inclúan a perda dos teus bens ata o control e limitación ou control dos teus ingresos.

5. Simbólica: se se naturaliza a subordiación das mulleres na sociedade, mediante a transmisión e reprodución de patróns estereotipados, mensaxes, valores, inconos ou signos que promoven a dominación, a desigualdade e a discriminación.


A violencia machista é un problema da nosa sociedade, un problema gravísimo, xa que afecta directamente á metade da nosa poboación. Xa que hoxe falamos só de datos imos poñer de onde os sacamos: do Observatorio da Violencia de Género, e da páxina web Niunamenos.