sábado, 12 de noviembre de 2016

Intercentros no IES David Buján

O pasado xoves parte do noso alumnado de 1º de Bacharelato puido reunirse co alumnado de 1º de Bacharelato do outro instituto de Cambre, o IES David Buján e con alumnado de intercambio de Holanda.

O intercentros consistiu na participación en diversos deportes de equipo, nos que o pasamos moi ben dándose continuas mostras de deportividade e xogo limpo. Os encontros acabaron coas victorias repartidas, buscándose sempre o bo humor e desfrutar de facer deporte todos xuntos.

O resultado final deixou a victoria para o IES David Buján por unha marxe moi estreita (de dous puntos en ambas categorías), o que amosa que os encontros foron moi desputados e houbo moita intriga ata o final.

A xornada foi, en resumo, un bo día de convivencia á cal ademais sumáronse estudantes estranxeiros, o que favoreceu que se utilizasen as linguas estranxeiras para comunicarse.

O noso agradecemento a todos os docentes e estudantes implicados e unha grande saúda ao noso instituto irmán o David Buján.

.




A xornada enmárcase dentro das actividades do noso centro para o proxecto XOGADE, así como o Proxecto Deportivo de Centro.

0 comentarios:

Publicar un comentario