lunes, 17 de julio de 2017

Entrega de premios do Certame de artigos xornalísticos Carlos Casares

Na tarde do 6/06/2017 celebramos no noso IES Afonso X O Sabio un acto de homenaxe a Carlos Casares no seu ano das Letras Galegas. Organizado polo EDLG, a biblioteca "O bosque animado" e a Vicedireccion do centro, o acto contou coa presenza do Concelleiro de Deportes e a Concelleira de Educacion do Concello de Cambre e tamen de Pura Galan, Coordinadora dos Equipos de Dinamizacion da Lingua Galega. A ultima hora Hakan Casares excusou a sua ausencia por enfermidade.

Despois das palabras de presentacion e da semblanza de Carlos Casares realizada por Felix Rodriguez Sanjurjo, director do IES, convidouse aos presentes a contemplar as exposicions froito do traballo nos diferentes cursos sobre Carlos Casares e as suas obras, especialmente arredor da tematica ferroviaria cos trens elaborados polo alumnado de primeiro e segundo de ESO asi como o diorama que reproduce escenas literarias realizado polo profesor François Davo e tres alumnas de egundo de ESO que elaboraron o decorado.  Ademais a exposicion contou con traballos diversos de todo o alumnado sobre as suas obras infantis ou os seus artigos xornalisticos.

Asistimos seguidamente a proxeccion de varios videos elaborados polo alumnado de segundo de Bacharelato baseados en relatos de Vento Ferido, xa que se cumpren este ano 50 da sua publicacion. Previamente, alumnado de primeiro de ESO realizou a lectura de cada un dos relatos: "A rapaza do circo", "O outro veran", "Aparecera pola esquina" e  "O xogo da guerra". 

A continuacion entregaronse os premios do concurso de artigos xornalisticos Carlos Casares que consistiron en dous cheques agasallo da FNAC e dous lotes de libros agasallo da Fundacion Carlos Casares.

Para rematar, a actuacion do ilusionista Martin Camina coa obra de Carlos Casares como eixo tematico puxo punto final a nosa homenaxe a Carlos Casares polas Letras Galegas 2017.


viernes, 30 de junio de 2017

O alumnado de Cultura Científica anima o noso centro



No último trimestre, o departamento de Bioloxía realizou unha serie de actividades de cara a concienciar aos nosos rapaces e rapazas sobre diferentes aspectos da ecoloxía, medio ambiente e da divulgación.

Por unha parte, o alumnado de Cultura Científica (4ºESO) puido colaborar na exposición Real Expedición Filantrópica de la Vacuna, que estivo no noso centro durante a Semana Mundial da Inmunización, do 24 ao 30 de Abril. Nesta ocasión participaron como monitores (que explicaron a exposición ao alumnado de 1ºESO) o alumnado de Cultura Científica (4ºESO), no seu labor de transmisores de información de interese científico.






Por outra banda, o pasado 5 de xuño tivo lugar o acto de entrega de premios do XI Concurso Fotográfico organizado e convocado polo departamento de Bioloxía e Xeoloxía. Os gañadores deste ano foron Álvaro Ces, de 4ºESO (1º premio) e Iena Fachal de 1ºESO (2º premio). A entrega de premios sempre a facemos o día 5 de xuño para conmemorar o día mundial do medio ambiente.

Por último, debemos recordar tamén o estupendo obradoiro de reciclaxe de papel que tivo lugar durante a primeira semana de xuño (tamén para recordar a importancia da reciclaxe para protexer o noso medio ambiente). Neste obradoiro participaron estudantes de diversos niveis (80) e, outra vez, os nosos divulgadores profesionais, o alumnado de 4ºESO de cultura científica, foron os monitores do alumnado máis pequeno. Algúns rapaces fixeron auténticas marabillas, que por suposto levaron para casa unha vez secas as súas láminas.... "Coas mans na pasta...de papel"


Moitas grazas ao profesorado de Bioloxía e Xeoloxía e ao seu alumnado por insistir no noso alumnado sobre a importancia da reciclaxe e do coidado do medio ambiente.

viernes, 16 de junio de 2017

Concerto aberto á comunidade educativa

Como parte das actividades de fin de curso, hoxe o departamento de Música organizou un concerto para toda a comunidade educativa no hall do noso instituto.

O concerto, no que participou alumnado de 2ºESO, 4ºESO e 1ºBacharelato, foi moi variado, destacando a variedade de instrumentos.

Esta xornada, que para o noso instituto é moi festiva, é só unha mostra do traballo que fan os rapaces e as rapazas en clase.

Agradecemos especialmente a implicación de pais, nais e, sobre todo, do noso alumnado, que axudou a montar e desmontar como auténticos músicos profesionais. Ademais de ensaiar duramente para prepararse para o día de hoxe.







Finalmente, queremos incidir tamén na nosa gratitude pola colaboración de Susana Vicente, a nosa xefa de estudos, quen non só é unha boa seguidora dos nosos concertos, senón tamén nos axuda sempre coa montaxe e desmontaxe.

viernes, 2 de junio de 2017

Excursión ao Espazo Natural Encoro Abegondo-Cecebre

O pasado mes de abril, os días 19, 20 e 21. O alumnado de 1º ESO visitou o Espazo Natural  Encoro Abegondo-Cecebre .
Esta actividade estivo organizada polos departamentos de Educación Física e Bioloxía e Xeoloxía; nela, os nosos estudantes máis pequenos puideron acudir á aula de natureza, a un centro de anelamento e tamén camiñaron todo un roteiro de 7 km con dúas guías.

O alumnado quedou moi contento, xa que inda que o teñen cerca non é habitual que saian e disfruten da natureza. Agora xa coñecen este pequeno paraíso que teñen tan preto de casa para poder desfrutalo calquera rato libre.





Desde aquí o noso agradecemento aos departamentos implicados e ao alumnado, por axudarnos a desfrutar moito con estas actividades!.

miércoles, 24 de mayo de 2017

Elefante Elegante no IES Afonso X O Sabio

Onte tivemos a sorte de recibir a visita de María Torres, da compañía de teatro físico Elefante Elegante. Esta compañía, que recentemente recibiu o premio María Casares ao Mellor Espectáculo Infantil coa obra Danza da choiva, acudiu ao noso instituto para realizar un obradoiro de teatro físico co noso alumnado do grupo de teatro e da materia de Artes Escénicas e Danza.

Hai uns meses, o noso alumnado puido acudir a ver a Elefante Elegante co seu espectáculo Kassa, pero agora tiveron a oportunidade de coñecer á actriz na súa faceta pedagóxica.

O obradoiro partiu da reflexión sobre algúns achegamentos que podemos facer á acción teatral e, posteriormente, comezamos a facer xogos para traballar a nosa expresión corporal.








video video

Desde aquí queremos agradecer o traballo de María Torres pero sobre todo o do noso compañeiro ManuelSánchez, quen leva ensaiando todos os mércores pola tarde co noso incondicional grupo de teatro, con alumnado de 1º, 3º, 4ºESO e 1ºBACH.

Vémonos nos teatros!!!

martes, 16 de mayo de 2017

Videoclip Chea de vida!

E finalmente saiu, o videoclip que se gravou con outros 1000 rapaces en Navantia, Ramón Bermejo e Guadi Galego.

A seguir disfrutando!!!

Adxuntamos as palabras de Ramón Bermejo, director do supercoro:
Querid@s profes,
Con este vídeo que agora veredes queda o traballo rematado, e creo que podémonos sentir máis que orgullos@s do que fixemos. Sinceiramente, isto era o que eu tiña na cabeza cando volo propuxen, e tiven a grandísima sorte de poder contar coa xente adecuada para levalo a cabo. 
A miña intención sempre foi poñer nun lugar ben alto o traballo que facedes para manter a música viva nas escolas, e creo que neste vídeo iso vai quedar moi claro. O resultado final é pricipalmente froito do esforzo e ilusión que puxestes tanto vós como @s nen@s en todo o proceso. Creo que nunca participei en algo tan bonito. A ver se seguimos facendo cousas lindas como esta.
De corazón, gracias!!!
Ramón Bermejo



Toda a comunidade do IES Afonso X O Sabio agradece a oportunidade de participar neste evento.

lunes, 15 de mayo de 2017

Cheísimos de vida!!!

O pasado xoves vivimos unha experiencia súper emocionante. O alumnado que pertence ao coro do IES Afonso X O Sabio participou nunha gravación da canción Chea de vida de Guadi Galego, xunto coa mesma cantante e o seu guitarrista. Entre todos fixeron un coro de máis de 1000 estudantes das zonas de Ferrolterra e A Coruña.

O noso alumnado non só tivo a experiencia de facer unha gravación e coñecer a unha cantante tan recoñecida como Guadi Galego, se non que tamén puideron cantar con outras 1000 persoas co sentimento único que é facer música todos xuntos e xuntas para obter, ao final, unha única voz que cantaba moi forte que estamos cheos de vida!!!

A acción saiu en varios medios e, próximamente, editarase un vídeo que poderemos expoñer aquí, coa gravación final do audio.

Estamos moi orgullosas e orgullosos dos nosos estudantes, que ensaiaron con moita ilusión e, á volta, só pedían seguir cantando.
Nós quedámonos coa fabulosa Guadi Galego, enxugando as súas bágoas que, tras asinar autógrafos e facerse fotos cos nosos estudantes dicíalle ás profesoras do IES Afonso X O Sabio: "é o momento máis bonito da miña vida".


Aquí adxuntamos algunhas imaxes e un vídeo provisional en Navantia:






video


Aquí un resumo do que apareceu nos medios (tanto de televisión como de prensa escrita), tamén pódese encontrar información en todo tipo de redes sociais:
TVG
TVG serán
Cultura
El correo gallego
Fotos, El correo gallego
Ferrol360 Previo
Ferrol360
La voz
Vtv
Diario de Ferrol PrevioPrevio 2
Diario de Ferrol
Galicia Ártabra
Diario de Arousa
Xunta

Información doutros centros:
Biblioteca CEIP de Pazos
CPI San Sadurniño
Colexio Jesús Maestro

Noraboa ao noso coro, levamos pouco tempo pero con moita ilusión!!! E desde aquí mandamos uns parabéns inda maiores a Sordo, asesor do CFR de Ferrol, ao propio CFR e, por suposto, a Ramón Bermejo e a Guadi Galego.
Moitas grazas.