lunes, 25 de diciembre de 2017

Concerto do alumnado

O pasado día 20 de decembro celebramos un concerto de Nadal con alumnado maiormente de música (cursos 2º, 4º, 1ºBACH e 2ºBACH) e de francés (alumnado de 4ºESO). Neste concerto, ademais, participou o coro do instituto.

Para máis información do mesmo podedes acudir ao blog do proxecto Afonso a escena.

Queremos agradecer a dedicación de todas as persoas que axudaron a subir e baixar material, ás profesoras colaboradoras e ao departamento de música e francés, así como a todo o profesorado que permitiu asistir ao concerto aos seus estudantes, xa fose en calidade de oíntes como de intérpretes.

jueves, 21 de diciembre de 2017

Actividade contra a violencia de xénero

O alumnado do Equipo de Normalización Lingüística do curso 4º ESO colaborou o venres 24 de novembro nunha actividade contra a violencia machista que consistiu na distribucion de pulseiras con lemas de concienciacion sobre o problema.
Foron numeros@s @s compañeir@s que se achegaron para mirar os carteis elaborados polo alumnado e pedir pulseiras ao longo do segundo recreo, polo que, igual que o ano anterior, esta iniciativa de concienciacion resultou todo un exito. Grazas pola colaboracion! 

Aquí presentamos unhas imaxes que dan conta do sucedido














Moitísimas grazas a este alumnado tan colaborador.

miércoles, 20 de diciembre de 2017

Saídas ao teatro e outras actividades de promoción da lingua galega

Neste primeiro trimestre o alumnado de todos os cursos  do noso centro tivo a sorte de acudir (agás 1ºESO) a diferentes actuacións teatrais en lingua galega, en concreto foron a ver Bicos con lingua e O tolleito de Inishbad, ambos con grandísimo éxito de público (e crítica, por parte dos nosos rapaces e rapazas).

Ademais, o equipo de normalización lingüística organizou, para o alumnado de 1ºBACH, unha saída que consistiu nunha interesante charla de Manuel Gómez Singala, amenizada polo acompañamento musical de MJ Pérez. Esta actividade foi organizada polo Servizo de Normalización Lingüística do concello da Coruña.

Moitas grazas ao departamento de galego e ao ENL, pola frenética actividade desta avaliación sacando a máis de 600 estudantes a realizar diferentes actividades complementarias. O alumnado de 1ºESO sairá tamén en próximas datas a realizar outras actividades.




jueves, 14 de diciembre de 2017

Ensaio xeral da Sinfónica de Galicia

Hoxe pola mañá, dous grupos de 3ºESO puideron ir a un ensaio xeral da sinfónica de Galicia. Neste ensaio puidemos ver a Sinfonía nº4 de Tchaikovsky ao completo e, despois, puidemos ver cómo ensaia unha orquestra de verdade. Vimos ao director dando instrucións, parándose en distintos compases e, incluso, cómo os profesionais repetían pasaxes variando segundo o que lles marcaba. Ademáis o ensaio foi moi interesante, xa que se desenvolveu en varios idiomas á vez.
Finalmente, e de forma sorprendente, puidemos disfrutar dun bis moi navideño, a Marcha Radetzky, de Johann Strauss Sr, onde o director dirixiu a toda a tropa de estudantes que poblamos o auditorio.

Moitas grazas ao departamento de música por organizalo e ao noso alumnado, que se portou moi ben.


jueves, 7 de diciembre de 2017

Inicio do Proxecto deportivo do centro

O IES Afonso X O Sabio vai desenvolver, outro ano máis, o programa Proxecto Deportivo do Centro. Este proxecto o entendemos dun xeito global, de forma que encadra todo tipo de actividades e accións que fomenten unha vida activa e saudabre. Así pois, este ano faremos repartos de lacteos e froita facendo fincapé na importancia da alimentación e, ademais, realizaremos unha serie de actividades deportivas cunha fin lúdica.

Para promocionar o proxecto abrimos o seguinte Blog, no que se incorporarán todas as actividades relacionadas co mesmo, que xa comezaron no mes de novembro.

Unha aperta, moitas grazas ao departamento de Educación Física, ao de Bioloxía e a todas as persoas que colaboran para fomentar unha vida activa, sana e moi, moi divertida.


miércoles, 29 de noviembre de 2017

Visita a Pull&Bear

O pasado venres día 10 de novembro o departamento de administrativo organizou unha visita a Pull&Bear para o alumnado de ciclos.

Deixamos aquí a información e un pequeno resumo do acontecido. Moitas grazas ao departamento por organizar esta actividade.

Presentación

jueves, 23 de noviembre de 2017

Samaín no IES Afonso X O Sabio

Para celebrar o Samaín, desde o equipo de normalización lingüística do IES Afonso X O Sabio convocamos un concurso de decoración de portas para as clases de 1º ESO. 

Todos os grupos participaron moi activamente, decorando terroríficamente o noso instituto. Tras unha dura deliberación, o xurado composto por 10 membros do profesorado e 10 membros do alumnado deron como gañadora a porta de 1º ESO C. Parabéns á clase gañadora! Poderán pasalo de medo nunha merenda que se lles ofrecerá na cafetería do insti. 

Aquí podedes ver a tenebrosa decoración gañadora.
Moitas grazas a todas os grupos participantes, así como ao xurado deliberador. Ata o próximo ano!